كبّة البطاطا
كبّة البطاطا
الكبة هي اكلة شرقية مفتخرة, بعملوها عادة في لبنان, سوريا, فلسطين والاردن ...
المكوّن الاساسي برغل ولحمة , على ايّمات ستي كانوا يدقّوا اللحمة مع البرغل بجرن حجر مع مدقة, لحد ما تختلط اللحمة مع البرغل وتصير مثل العجينة وبعدين بحشوها بلحمة وبصل ومكسرات ..
في مرة بشي مسلسل قالو جملة حلوة «حلب أم المحاشي والكُبَب» ودايماُ بالمسلسلات السورية بيفتحولي نفسي على الكبة.
حبيت اعمل صينية كبة بالفرن هيك بتكون صحية اكثر بدون قلي وزيوت وبدون لحمة.
المكونات:
- بطاطا
- بصل
- برغل ناعم
- صنوبر
- فلفل كبة (حلو وحار)
ملح وبهار
- زيت ويتون
1) قطعت البطاطا وسلقتها (سلق لحد الذوبان)
2) فطر, غسلته وقطعته شُرح
3) بصل, قطعته شُرح
4) بُرغُل ناعم, نقعته بماء مُدة 20 دقيقة
5) بمقلاة صغيرة حطيت زيت زيتون وقليت البصل بالاول بعدين الفطر وبعدها الصنوبر... قليت لحد ما ذبلت المكونات
6) بمقلاة صغيرة حطيت زيت زيتون وقليت البصل بالاول بعدين الفطر وبعدها الصنوبر... قليت لحد ما ذبلت المكونات
7) في المكسر/الخلاط حطيت البطاطا بعد ما بردت شوي صارت تقريباً بدرجة حرارة الغرفة, اضفت بهار الكبة الحار والحلو, ملح وبهار, زيت زيتون والبرغل الناعم
وخلطتهم
* ممكن بدون خلاط فقط هرس البطاطا باليد لتكون ناعم
وهيك بتصير...
8) مديت نصف الكمية كأول طبقة
ثاني طبقة هي خلطة الصنوبر, البصل مع الفقع
الكمية اللي بقيت حطيتها كثالث طبقة لتغطي الخليط وبعدها حطيت زيت زيتون
9) ويلا عل فرن ... مفروض هيك تطلع
صحتين!!
للتقديم سلطة خضار وطحينة